كل عام وانت بالف خير تفضلوا ع صفحتي

.♥ مراقبة عامة ♥.

السلام عليكم ورحمة الله

كيفكم يا صبايا وطبعا يا شباب

ان شاءالله تكونو بخير

اليوم انا فاضية كتير وانا قاعدة بفكر فكرت بشغلة تذكرت انو شهر رمضان الكريم عندو هل علينا

وتذكرت رمضانات الي فاتت وبصراحة كانت احلى ايام ان شاءالله يارب يبلغنا رمضان واحنا باحسن حال

اليوم كتبت الموضوع مابدي اناقش فيه قضية عن المجتمع او عن اي شي سوى بدي اعرف من كل واحد فيكم كيف مجهز نفسه لرمضان شو نفسه يعمل برمضان شو اكتر شي بحبه في رمضان وشو احلى لحظات بيقضيها برمضان وكمان بدي اعرف منكو هل شريتو اغراض لرمضان يعني جبنة مربيات قمر الدين والمكسرات والعصير والخخخخخخخخخ طبعا وكيف الاسعار هاي السنة يعني بدنا نفتح المجال لقلوبكم وعقولكم لتخبرنا عن يومياتكم في رمضان اترك لكم المجال بكل اريحية

ملاحظة هذه الصفحة انا فاتحة فيها المجال للكل يحكي فيها الي بدو اياه

يحكي كل فرد بالمنتدى لاسرته كل شي بيحب يحكيه

دمتم بود وتقبلو تحيات اختكم المحبة لكم دوما

فاطمة الزهراء

[ندعوك للتسجيل في المنتدى أو التعريف بنفسك لمعاينة هذه الصورة]

.♥ مراقبة عامة ♥.

احنا طبعا لسا ما شرينا لانو بابا متعود كل سنة يشتري قبل رمضان بليله

انا مجهزة حالي لرمضان كتير منيح

يعني السنوات ايل فاتت كنت اقضي رمضان بالدراسة والصيفي وتبع البال يا دوب كنت ملاقيه وقت

بس رمضان هادا هيني قاعدة لا دراسة ولا اشي

ان شاءالله ناوية اتسحر كل ليلة عشان مجوعش هههههههههههه واشرب مي كتير لانو الجو شوووووووووووووووب وكمان اصلي الفجر واقرا شوية قران للصبح بعدها اناااااااااااااااااااااااااام وبصحى قبل الضهر المهم بعدين انا مهمتي في رمضان اعمل سلطة خضار يعني بتحتاج مني وقت مابين ساعة وساعة ونصف عبال متجهز بس ايش سلطة سلطة مظبطة يعني ههههههههههه لالا والله مش بس سلطة بعمل حاجات تانية كمان

وبعد الفطور طبعا الجلي وبعدها صلاة التراويح هنروح عالمسجد نصلي وبعدها بنروح طبعا في زيارات صله ورحم والذي منه

هادا لسا وربما سيحدث جديد انتظروني طبعا ايل رجعة اشارككم ارائكم

<p>بس صحيح نسيت اقولكم اول شي قبل رمضان بيوم بدي اهنئ كل صحباتي واحبابي واقاربي برمضان

وبعد

.♥ مشرفة ♥.

كل عام وانتم بالف خير جميعا

عساكم من عواده

امممممممممممم

والله لسا ما اشتريت اشياء رمضان يا فطوم لانو مو حلوة قبل الهنا بسنه المهم
بالنسبه للسحور أهم شي تمون موجود جبنه كي واذا مو موجود ممنوع حد يصحيني ع السحور
أما بالنسبه لليوم بقضيه كيف منزله الفصل هادا صيفي
راح روح الجامعه وبعد الجامعه ع السرير للعصر بصلي العصرمتعوده اقرأ قرأن
بعد العصر المهم ان شاء الله ربنا يقدرنا نختمه كذا مرة المهم بيجي اذان المغرب
وبشرب ميا واحنا بنصلي جماعه قبل الفطور المهم وببدوا بالركعه الاولي وبصلو نصها وانا لسه بتذوق الطعام من كل صحن شويا وبعد الصلاه بنفطر وبعدها الجلي وبعدها
الفاكهه وبعدها مكسرات وشاي وبعدها صلاه التراويح طبعا بالدار بصليهاا اه والقطايف بس اول يوم بناكلها بعدها بضل بالتلاجة لاخر رمضان ما حد ماسكها
واهم شي الصواريخ تبعت الاطفال أولعلي شي بكيت كامل وأوقات بجيب الصواريخ
بشيلها من العود تبعها وبعدها اللي طلع معي بعملو شكل ع الارض او اسمي وبولعه
ههه روعه المهم بعدها الارض بتسير سودة وبأكل بهدله (ابقوا جربوها بس لما يفضى البيت عشان ما تتبهدلوا) اه وبكمل الجزء بعد صلاة التراويح وبعدها بننزل ع الجنينة عنا قعدة
هيك مرتبه (ولكموووو عنا ) والاب توب اقبالي وشي بارد ع يميني وع يساري بكيت شبسي
وهاتك يا نميمه (بزكي صيامي ) ....المهم بنضل اوقات لحد السحور في الجنينه
وهكذااااااا بتمضي الايام

اه انسيت أول اكم يوم يوم طشات عشان صلة الرحم

لكن رمضان هادا يمكن يكون في توفير شوي لانو راح تكون السلطة من فاطمة الزهراء راح تبعتنا اياها كل يوم بعد ما اتخلصها لعلها تتأأكل اصلها سلطتي ما بتنمسك لاني انا والمطبخ اعداء...

بكفي كده لما اتزكر شي بكتبه

دمتم بووووووووود.

.♥ مراقبة عامة ♥.

ذكرتيني بالصورايخ والله زمان واحنا صغار كنا بسلك الجلي هههههههههههههههه

بس هلا بجيبو اخوايت صواريخ وبنقعد نلعب بنكيف ههههههههههههه

ربنا يبلغنا رمشان ع خير وتقلقيش عالقطايف هيك حالو يف اغلب البيوت

.♥ مشرف ♥.

اول شي مشكورة فاطمة على موضوعك

تاني شي انا لحتى الان ما بعرف كيف جدولي لرمضان

لكن يمكن يكون في صيفي طبعا انا بنامش للفجر يعني بضل صاحي بنتسحر بنروح عالمسجد بصلي احيانا بضل لبعد الفجر بنقرا قران بعدها بروح اذا في كهربا بقعد على الجهاز شوي اذا فش بنام بصحى الضهر بصلي اذا في كهربا بنقعد عالجهاز اذا فش بنلعب تنس بالمسجد وبنقرا قران وكذلك العصر نفس الشي بس العصر بنضل في المسجد لغاية قبل ادان المغرب بشوي يعني نقرا قران نحكي شوي انا وصحابي نلعب شوي نفرفش شوي بس طبعا بدون غيبة انتو بتعرفو الرجال مش زي النسوان هههههههههههههه المهم احيانا بنروح بصلي بالدار احيانا بصلي المسجد احيانا بكون في افطار هان او هان يعني عزومات ،وبعد التراويح بميل هان او هان شوي يعني بنلفلف على عمتي او خوالي بعدين بنرجع على البيت بنحكي بنفتح جهاز الاب توب وبنضل للسحور علي /////// هذا اعتقد ما سيكون يعني الغالب حيكون هيك

بس بالنسبة للقطايف انا بحبها كتييييييييييير وخصوصا اللي معمولة بالفرن مش قلي

.♥ المركز الثاني ♥.

اووووه رمضان شهر الخيرات

بالنسبة الي ما في اي تجهيزات لحد الان

بس كالعادة رح يكون
السحور ضروري جداا
وقبل دقيقة من الاذان لشرب
الماء الكتير

وبعدها الصلاة ومن تم النوووووووووووووووووم العميق لغاية الظهر تم الصلاة

وبعدين بضلنا قاعدين بنقرا شوية قران كريم

وبنقعد شوية

وبعد العصر تبدأ التجهيزات للفطور

اممممممممممم
ما ازكاه

بحب الجرجير كتيرررررررر والمخللات والمسبحة والعصيرر

وبعد الفطور يا اما بنطلع ياا اما بيجي علينا حدا

يا بنظلنا بالدار شو بدنا نساااااوي؟؟؟؟؟

وبعد العشاء القطائف والحلوياااااااات الزاكيه

يسلمووووووووووو فطوم

وكل عام وانتم بألف خيرررررر

.♥ مراقبة عامة ♥.

سنا اهم شي العزايم يعني اشي مظبط

وبعدين الغيبة صح انتو يا رجال بتحكوش عن حدا بس لما تتجمعو بتدمرو بلد

طبعا القطايف الي بالفرن ازكي لانو القلي زيته كتير وبسمن والواحد مش ناقصه هههههههههه

يا سيدي كل عام وانت بالف خير يارب وينعاد عليك

.♥ مراقبة عامة ♥.

ندوش حبيبتي

وانيت بالف خير

اكيد الواحد ايش بدو يساوي ااذا ما كان زيارات او حدا اجا عليه خلص نحنا بنتفق نقعد بعد صلاة التراويح عالمنتدى ههههههههههه

وبنزور بعض وبنطمن على بعض

.♥ المركز الثاني ♥.

ههههههههههههه

اكيد فطومة

.♥ مراقبة عامة ♥.

بس يارب يغيرو جدول الكهربا ونصير زي بعض دايما والله قرفونا حياتنا

.♥ المركز الثاني ♥.

ان شا الله يا رب

ما يقطعوها برمضان

ما هماه شايفين الجو كيف؟؟؟؟
الله بعين

.♥ مراقبة عامة ♥.

ربك رح يفرجها ان شاءالله عن قريب

انا بشوف في رمضان بقطعوها اكتر ههههههههههههه

.♥ المركز الثاني ♥.

ههههههههههه

ان شاء الله لاااااا ما بيقطعوهااا

.♥ مراقبة عامة ♥.

من تمك لباب االسمااااااااااااااااا يارب

.♥ مراقبة عامة ♥.

وين باقي الاعضاء مالكو كسولين

بدنا نعرف وش جهزتو عشان اذا نسيت اشي تذكروني هههههههههه

.♥ مشرفة ♥.

ممممممممم اولا بالنسبه اللي انا

ههههههه

بعدين برجع لانو امي تناديني هههههههه

.♥ مراقبة عامة ♥.

الله يسهل عليكي بس ترجعي بتقوليلي

.♥ مشرفة ♥.

صحيح كل عام وانتم بخير وعساكم من عواده
رمضان حلو كتير وياريت كل السنة رمضان والله
انا بحبه كتييير كتيييير بس لحتى الان ما بعرف انا شو راح اساوي
بس ححكيلك شو كنت اساوي بالرمضانات الي فاتوا اوك
وححكيلك شو حيكون جديد هدا الي بعرفوا
ههههههههههههههههههه
بالاول انا ما بحب اتسحر اعرفي اذا تسحرت بموووت من الجوع واقرف اشي لما تكوني نايمة ويصحوكي بنص الليل قال علشاان تتسحري وكاني بحلم بالاكل حلم
اما المية عمري ما دورت عليها في رمضان اصلا بحبهاش لا برمضان ولا بغيره
بعد السحور بصلي كم ركعة لله وبعدين بمسك القران وبنقعد نقرا كلنا طبعا والشاطرة الي تختمه قبل
واكم مرة نختمه ومن هالحكي بعدين لما يادن الفجر بنقوم وبنصلي الفجر جماااعة وبنرجع نقرا قران
بعدين برجع انام وطبعا بنصحى بدري
بنعمل شغل البيت
وكل واحد بيشوزف شو عليه
انا بالنسبة عني ما الي بالطبيخ هههه لانه قدامي تنتين هن الي بطبخن
انا بس بقعد اقرا قران واسبقهن بعيدن ممكن اني انام او نقعد نتحدت مع بعض ومصيرنا بالاخر نرجع نقرا قران ونصلي وبعدين بنقوم نجهز الفطرة وبنصلي المغرب جماعة لحد ما يجوا ابوي وخواتي من المسجد بعدين بنفطر طبعا ويا دوووب بنقعد شوي الا بقوم وبروح عالتراويح
طيب اسمعوا انا بدي اقوووم وبكمللكم بعدييين اوك باااااي

.♥ مراقبة عامة ♥.

هههههههههههه

ماشي يا لحوظة بننتظرك حبيبتي

كل عام وانيت بالف خير

.♥ مشرفة ♥.

وانتي بالف خير كانت امون بدها تقعد عالجهاز
فهيني طلعت فوق عند اخوي علشان احكيلكم واقعد معكم

المهم في عندي دورة تحسين تلاوى ما بعد العليا وهادي حتكون يومين بالاسبوع

من 11 يعني هتكون بدري
وفي كمان جلسة اخوية النا حتكون مرة بالاسبوع من 9 انا اخترت الهم الميعاد علشان يكون
من 9-11 الجلسة
ومن 11-1 الدورة
وما اضل طالعة نازلة لانه الدنيا رمضان والواحد زهقان حاله
كمان تنسوش الزيارات حلوة بتكون بعد التراويح طبعا لانه احنا بنروح التراويح
وكمان اكتر شي بحب اكله برمضانت كل الاكلات خير وبركة ويا حبذا لو كان من الي انا بحبه
واكتر شي بشتهيه برمضان المقالي ههههههههه
وبعدين اكتر شي بكرهه شوربة الخضاار عمري ما دقتها بحيييااااتي
اما القطايف فهو حلو رمضان الخاص بحبه بالمكسرات شوي اما باللبن والاشياء التانية لااا
وقلي ما بحبه بس احيانا بعملوه باللبن وبقلوه لانه اخوي هيك بحبه وهما كمان وعشاني بشوولي وما اشطرهم لما يحكوا الي ااشوي حصتك ببطل اكل ههههههه

.♥ مراقبة عامة ♥.

هههههههههههههههههه

حلو يا هنوءة ريتو ينعاد عليكم

سلامي لامون

.♥ مشرفة ♥.

مين فيهم اختي ولا صحبيتي
والله قبل شوي كنت احكي معها عالايميل
بتسلم عليكم وحكيتلها عن الحلوان الي اشتريتيه اله

.♥ مراقبة عامة ♥.

هههههههههههههههههههه

طبعا التنيتين

سلمي عليهم كتير وبلغيهم تحياتي

.♥ مشرفة ♥.

يوصل ان شالله

.♥ مراقبة عامة ♥.

الله يسلملي يااكي يارب

» لا تأكل وانت غاضب..‏ أو وانت حزين
» صفحتي الحزينة
» كل عام وانتو بالف خير
» رواتب للاعضاء .. تفضلوا
» صور لغار حراء .........تفضلوا