قااااااااال شووو ..........,؟؟

+ عضو موقوف +

مرحبا كيفكم

أول شي الموضوع فكاهي وله مغزى معين

يعني بنقدر نستفيد منو

قال شو ...

الشب بلا سيكارة متل البنت بلا اسوارة

لك شو هالأمتال القديمة المعتة هي

شو دخل السيكارة بالأسوارة

يعني ما راح تكمل شبوبيتك الا بالسيكارة

هي دقني اذا ما خلتك السيكارة تختير على بكير

خود اسمع التاني شو بيغني

قال شو ؟

اي خدلك سيكارة وعود لنتفاهم .... مو حلوة نتعالق قدام العالم

يعني ماراح تتفاهموا الا لما تدخنو

والله احسنلكم تتعالقو وتطبشو بعض من هالسم الهاري

لك شو هالعقليات ؟

كمان اسمع اللي ادهى و امر

قال شو ؟

فنجان قهوة وسيكارة .... مادام جيتو عالحارة

ليك على هالعلاك المصدي

مساوي حالو كريم وبدو يضيف قهوة وسيكارة

يعني ما بينفع فنجان قهوة و بقلاوة

وفي كمان مطربجي لبناني بيغني

هيدي خامس سيكارة بدخنها بخمس دقايق

لك شو هالتسحيب يا عازار حبيب

شو الشغلة سباق

والله صرعة

لا وبيجيك واحد بيطالع سيكارة وبيضيفك .... يعني كريم

يا اخي طالع ملبسة او نوجاية

واحد بيعمل حالو فهمان و بيقلك الأركيلة احسن من السكاير

ما بيعرف هال......... انو اركيلة وحدة متل باكيت سكاير كامل

شو هالعالم هي ؟

وانت فرحان بحالك وحامل هالسيكارة و عم تنفخ يمين و شمال قال يعني قبضاي

لو كنت قبضاي ..... كنت تركت التدخين

لك شوف حالك بتطلع درجتين بالبناية بتلاقي حالك عم تلهت

سنانك صفر .... بتقوم من النوم الصبح وريحتك لآخر الحارة

التنباك ورق شجر عم يلفولك ياه بورق ويعطوك ياه تحرقو وتحرق صحتك وبتدفع مصاري كمان

لك اقرا شو مكتوب عالباكيت

لك بتعرف كل اضرارو ولساتك عم تدخن

انت اجدب شي ؟

يمكن عم تجدبا ؟

لك شبك ؟

شو صاير لك ؟

لك تضرب رفقة السوء اللي خلتك تدخن

اللي بيحبك ما بيضيفك سم هاري

لك اتركه بكيفك احسن ما بكرة تتركو غصب عنك .

.♥ مشرفة ♥.

ههههههههه
يسلمووو على الموضوع الرائع
تحياتي

+ عضو موقوف +

مرورك اسعدني جدا زهرة الثلج

» بس شووو اكيد امك دعيالك ع جبل عرفات مادامك اخدتني انا الفلسطينية