نسوان غزة لما بدهم يجوزواا ولادهم هههه

+ عضو موقوف +

[ندعوك للتسجيل في المنتدى أو التعريف بنفسك لمعاينة هذا الرابط]

خطوبة النسوان الغزاويات

[ندعوك للتسجيل في المنتدى أو التعريف بنفسك لمعاينة هذه الصورة]

صار لكل امرأة تتزوج في فلسطين بيت مستقل، فيه ثلاجة، وجهاز تلفاز، وفرن غاز، وسخان، ودولاب، وسرير وفراش حرير، وشبابيك، وستائر، ومكوى، ودفاية، ومكنسة كهربائية، وجهاز "مايكرويف" ، وفي كل بيت جهاز حاسوب، ولبعض النساء بريد إلكتروني، وهاتف محمول، وكلهن يحفظن أطفالهن "بالبمبرز"، ويضعن في الغسالة متسخ الملابس ليخرجنه نظيفاً، وصرن يعتمدن على الخبز الجاهز، وصار بعضهن يعتمد على أكل المطاعم، والبسكويت النواعم، وصار التنافس بين النسوة على الاقتناء، والامتلاك، وصارت حياة بعضهن مشتريات،

من المعروف إنو في ناس بتتزوج عن طريق ” العادات والتقاليد” , عاد أنا بدي أحكي عن عادة بعض” النسوان الغزاويات” لمّا يكون بدهم يخطبو لإبنهم الله يحرسه , على أساس إنو ما حدا قدها قال بتخطب لإبنها قال فبتسير “تتشخرط” , “والنسوانة” ..النسوانة “مُفرد نسوان” لمّا بدها تروح تدور على عروس لإبنها بتسير تحكي : والله لأجيبلك أحلى وحدة يما , والله “لأقلّع” عيون النسوان فيها , أقلع بمعنى أحُط أصابعي في عينهم.

, بتروح ” هالنسوانة” بتدق باب أهل العروس , المهم بتقعد وبتحكي : والله أنا جاية أخطب لإبني إسم الله عليه ما في حدا قده كامل ومكمل , وابني ما في أحلى منو وأنا بدي عروسة طويلة وشقرا وعيونها لونهم أخضر وشعرها لونه أصفر ونحيفة ما بيزيد وزنها عن ال50 كيلو وبدي ياها “معدّلة” , معدلة هاي بالغزّاوي يعني شاطرة بشغل البيت ,وبتسير تتشرط وتتمرّط ومن هالحكي هاد.

, هلأ عاد بيجي دور إم العروس بتسيرتحكي : وأنا بنتي ما في متلها وهيك الله بيخلق جمال وأدب وبيكفي انو ابوها مختار الحاره ...هع , المهم بتطلع هالعروس تقدم فنجان القهوة أو كاسه العصير العصير قال وبتقعد زي الخجلانات بالزبط وبتكون حاطة إصبعها في تمها ” يعني علامات الخجل” , المهم بتسير النسوانة اللي هية إم العريس الله “يفرسه” قصدي يحرسة بتسيرتطلّع في العروسة من فوق لتحت وما بتخلي في جسمها ايشي إلا وبتطلع عليه.

, طبعا إم العريس بتحكي للعروس : تعالي تعالي يا حبيبتي جنبي , عاد هية بدها “تدقق” في ملامح وجهها للعروس منيح خوف لتطلع بشعة , ويا ويلها لو طلع “منخارها” كبير ..منخارها يعني بالفصحى أنفها , المهم ويا ويلها لو كانت “حولة” ..حولة يعني بتشوف ” الواحد اتنين” ويا ويلها لو كانت بس بتحكي عن حرف السين “ثين” , يعني هية صح مش رح تضربها بس مش رح تخليها من شرها وهية تعيّب عليها وتحكي عنها للنسوان.

, ,, اللي حابة أحكيه إنو بعض النسوان صاحبات كلام فاضي وتبعات لت وعجن بمعنى اللي بدو يتجوز لا يجري ورا النسوان , واللي بدها تتجوز “بكرامتها” وما بدها تخلي حالها مُجرد سلعة تحاول ما تجاري النسوان كمان , أصلو النسوان لسانهن طويل وبدو ” قص”

تُصبحون على عريس وعروسة..آآآخ بس آآآخ

العفوووووووو مع حترامى الى اهل ونسوان غزة

+ عضو محترف +

حراااااااااااااااااااااااااام عليك باشوووووووووووووووووووو وربي انهم النسوان عسل بس هو مو الحق عليهاااااااااااااا الحق على ابنهااااااااااااا هو يلي مفكر اه بطلعلوووووووووو يلف على كل بنات العالم وينقي واهل البنات يلي بيقبلو هيك اسلوب

+ عضو محترف +

احم احم
زي ما الشب بيتشرط وبدي وما بدي ( طول زرافة وعود بجنن ووجها قمر )
وانيقة وبتعرف دبر حالها في اي موقف
بطلع للبنت تتشرط وخص اذا كان ابوها قد الدنيا وعيلتها اشهر من النار ع العلم
وهيا حلوة ما شاءالله عليها وكل اللي بيجوها عدلين (فش واحد اقل من التاني )
ليش ما تتشرط
يلا ربنا يرزقك بنت الحلال

باايو
موضوعك حلو وبيضحك

+ عضو متألق +

أول شي مشكور باشو

بعدين أمك واختك وعمتك وغيرهم من قريباتك كلهم من نسوان غزة

يعني امك لما تروح تخطبلك اكيد راح تعمل متل ما حكيت

{ متل نسوان وبنات غزة ما بتلاقي } سلااااااااااااامو

+ عضو متألق +

والله عال ليش يا اخي باش حقنا ناقص ولا شو اتشرطوا صبايا اتشرطوا ههههههه

يسلموووو موضوع حلوووو

+ عضو محترف +

هههههههههههههاي تشرطي يختي

انتي شو جايبلك الدور ههههههههه

الله يجوزك ويجوز الصبايا كلهن
ويلم الشباب كمان

+ عضو متألق +

ههههههههههههه كلامك مزبوط باشوووووووووو

بس مثل ما الشبا ببيتشرطوا احنا كمان لازم نتشرط لانه
احنا دايما اشطر فى كل شئ ولازم نشوف حالنا اكيـــد
مواحنا بنات غزة
تسلم كتيـــــــــــــــر على الموضوع الواقعى

+ عضو موقوف +

يا عمي انتو ليش بتزعلو من الواقع

مش هاد الواقع يلي نحنا بنعيشو

ولا شو

؟

يسلمو ع المرور

+ عضو محترف +

مييييييييييييييييييييييييييييين زعل ما حد زعل اقعدو عاقلين بنات

+ عضو دائم التألق +

هههههههههههه
كل النسوان لما يخطبوا لاولادهم هيك بيعملوا هههههههههههه

يسلمووووووووو باشو

+ عضو متألق +

ههههههههههههههههههههههههههاي
يا سلام
انتو ما بتشوفو كيف شكل البنت وام العريس بتقول في مواصفات ابنها ههههه
بتكون رافعة حاجب ( ولا خجل ولا اشي ) والمصيبة بتكون هيا اللي تسال عن الشب شو ابنك بيشتغل وكم عمروو
والدار كيف
ههههاي بشوف اللي عندي شو بتعمل
وبعدين هاد الواقع فش زعل

+ عضو دائم التألق +

المهم بتطلع هالعروس تقدم فنجان القهوة أو كاسه العصير العصير قال وبتقعد زي الخجلانات بالزبط وبتكون حاطة إصبعها في تمها ” يعني علامات الخجل”
هاي عادة قديمة العروس هلا هي اللي بتسال ام العريس عن كل شي بدها تعرفه

+ عضو محترف +

ههههههههههههههههه محمد بااااااااااااش معك بكل كلمة حكيتها كلامك مزبووووووط ميا %
المهم هاي الحماية بالأخير لما تجيب العروس بتآخذ ابنها وبتورجيها العين الحمرا
وبتسير هاي العروس يا أرض ......... ما عليكي حدا أدي
يسلمو بااااااااااش