أمثال فلسطينية ...روعه

+ عضو محترف +

الرجال بتجيب المال ، والمال ما بيجيب رجال

الرزق اللي ما هو في بلدك ، لاهو إلك ولا هو لولدك

ركبوه الخيل ظلموه ، لاهو كاره ولا كار أبوه

الرمل مابنحصآ ، والنار ما بتنداس ، والسر ما بنطلع ع كل الناس

ريد الخير لجارك ، تلقاه في ديارك

ريسين في مركب بغرقوه

زاد واحد بكفي اثنين ، وزاد اثنين بكفي عشرة

زت عصاتك لفوق ، ما بتنزل إلا وفرجها الله

زلمة الشيخ بنقاله : فوت ، ولو ما فعل طيب
زلمه واحد بجر الفرس للمي ، بس عشرة ما بغصبوها تشرب

زلة العالم بنضرب فيها الطبل ، وزلة الجاهل بغطيها الجهل

زمار وطبال ، يا ما بشوفوا ليالي طوال

الزواج أسرع فيه ، والكره تمهل فيه

زوان بلادنا وشعيرنا ، ولا قمح غيرنا

زي اطرش الكلاب ، اذا شافهم تثاوبوا افتكر إنهم بعووا وبصير يعوي

زي اللي أسلم الظهر ومات العصر ، لا عيسى شفع له ولا محمد دري فيه

زي اللي بده يبيع إبنه من العازه ، والثاني بده يشتريه بالدين

زي البصله ، بتدخل في كل طبخة

زي حبة العدس ، ماحدا بعرف بطنها من ظهرها

زي الصياد ، مابعرف ربه إلا وقت الغرق

زي قبور اليهود ، من برا رخام ومن جوا سخام

زي مرمح الكلاب ، عجة وغبره من غير ثمره

زي النوريه اللي مضيعه لبانها

سألوا الحمار مين أبوك ؟ قال : الحصان خالي

إلسبع سبع ولو كلت مخالبه ، والكلب كلب ولو بين السباع ربي

إلسعدان شرب الحليب ، والدب أكل القتله

إذا عملت معروف أستره ، وإذا نلت معروف أنشره

إذا كان صاحب البيت حامل ، الدف الاولاد برقصوا

الأرض اذا اثمرت بتقول : جبت ، وان امحلت بتقول : الله ما اعطاش

إشتغل الحد والعيد ، ولا تعوز اخوك البعيد

الأصل مني وانا في الواد جريت ، وسقيت المدلاي وبنارهم انكويت

اطلب الخير من اللي كانت إيده ملانه وفرغت ، ولا تطلبه من اللي كانت إيده فارغة وانتلت

إعطوا السمك البايت لام الهموم تقشره

ألف عدو برا الدار ولا واحد جواها

الله يهدك من دهر ميال ، صار الحصيني يطارد الخيال

إللي أصبعه بالمي مش زي إللي أصبعه في النار

إم نصر بتخيط الصبح وبتفتق العصر

إن أجا العيد ، قلت العيد لاصحابه ، شو بنفع العيد للي فارق احبابه

إلحية ما بتنحط في العب

خاف من الغرق بتغرق

خبز الرجال ع الرجال دين ، وع الأنذال صدقة

خبزه ناشفة برياحة ، ولا خروف محشي بصياحة

خذ حم الشمس من تحت الغيم ، وخذ البنت من تحت الظيم

خفيف مروه ، وقصير لسان ، بعيش وين ما كان

خلص عنبك وتينك ، كل الناس عدوينك

خونة الهر ، وميلة النهر ، الله ينجينا منها

إلخيل من خيلها ، والمره من رجلها

إلدار اللي فيها الزقر ، يا بواليها الموت يا بواليها الفقر

الوفق بعين ع الرزق

إلدار دار أبونا ، واجوا الغرب يطحونا

دخلنا داركم وشفنا فشاركم ، وعرفنا عشاكم من عشا حماركم

إلدراهم مثل المراهم ، بتجعل للنذل قيمه

إلدرب الطويله بتكشف العيان

درهم شرف احسن من خزاين مال

إلدقن اللي مش معوده ع البخور بتنحرق

الدم عمره ما بيصير مي

الدنيا جيفه وطالبينها كلاب

الدنيا ما بتخلي الراكب راكب ولا الماشي ماشي

الديك بموت وعينه ع المزبله

الدين في الليل هم وفي النهار مذله

ذكروا المدن اجت القرايا تحجل

ذيل الكلب اعوج ولو حطوه بمية قالب

راح يصلي لقي الجامع مسكر قال : مليح اللي اجت منه ما اجت مني

راح النهار وولى وإم القمل تتفلى

ربيت كلبي عقر جنبي تحرم علي ترباة الكلاب

من قلة الخيل شدوا السروج ع الكلاب

بلاد العز والناموس قبلي ، وبلاد الخير دنيها شمال

بموت الزمار واصابعه بتلعب

بنقول له أقرع ، بقول : مشطوه

البني آدم ما بتاكل ولا بتشرب ، بس لسانه اللي فيه

بوابه كبيره وإلها حلقه ، واللي جواها مشتهين المرقة

إلبيت اللي بتوكل منه ، لاتدعي عليه بالخراب

بيضة اليوم ، ولا جاجة بكرة

بين الريح والموج ، بتتعب البحرية

تاجرنا بالأكفان بطل حدا يموت

تجوزي من السوق ، ولا توخذي مال في الصندوق

تضحك على الموج ، يااللي مركبك عايم

إلتعيس اذا ركب على ظهر الجمل بعضه الكلب

تقاتل الريح والبحر ، طلعت الصلحة على البحرية

ثمة بسبح ، وإيده بتذبح

إن أكلت أنا وجاعت ارفاقي ، لأدعي على حالي بسم الافاعي

باب الله اوسع من باب الدير

بارك الله في ارض ، غماسها من روس معانيها

بتحلف لي بصدقك ، بتطلع ع شواربك بلا قيهم ممعلسات

بتضربني وبتقطع راسي ، بتصالحني واجيب راسي منين ؟

بتقضي عمرك بالشحادة ، وما بتعرف تقول : حسنه لله

بنتعرف الفرس بالميدان ، والبرودة بالعلام

بحسب الباشا باشا ، لقيت الباشا زلمه

إلبخت للقرعه وأم كباش ، واللي إلها شعر بتروح ببلاش

بعذرنا من جرب البين قبلنا ، واللي ما جرب ما عليه ملام

بعزي وما بعرفش الميت مين

بعمل من الحبه قبه ومن الزبيبه خماره

جبل ع جبل ما بلتقي ، بني آدم ع بني آدم بلتقي

جبنا الاقرع ليونسنا ، كشف عن قرعته وخوفنا

إلجديد بجدته ، مثل الحصان بعدته

جمرة الليل بتصبح رماد

إلجمرة ما بتحرق إلا واطيها

إلجمل عرقوبه وراه ، بشوف عيب غيره ، وعيبه ما براه

إلجنة بلا ناس ما بتنداس

جواز الفقير للفقيره ، مثل العجين بلا خميره

جودة الراي ، أحسن من مضاوة السيف

جوع سنه ، واعره سنه ، وافقر سنه ، بتسعد العمر كله

جيرانكم كنا ، ومنكم تعلمنا ، إنتوا تحنيتوا ، واحنا تخططنا

حاكمك ظالمك ، تشكي أمرك لمين ؟

حامل عوده من طمره ، وجاي يفلح بكويكات

حبل بين مجنونين بنقطع ، وشعره بين مجنون وعاقل ما بتنقطع

إلحجر بالحيط أحسن من لولو بالخيط

إلحر عبد إذا طمع ، والعبد حر إذا قنع

حرثوها السبوعة ، وحصدوها الضبوعة

حزانى ومساكين واشتروا بعشاهم ياسمين

حط الانسان وسب أهله بتعرف عقله من جهله

حطوا راس الحمار ع الطاولة ، وقع ع الارض يتمرمغ

إلحكي اللي ما بطلع من الراس ما بدور بين الناس

حلاوة الشب في الدنيا ثلاثة :المروة والفتوة وكف السخا

حلقة الدار واعتابها ما بتجيب إلامثل اصحابها

حلينا القلوع وارسينا، واصبحنا على ما امسينا

حملوني وجملوني وع السفر مليش نيه

إلحيط الواطي كل الناس بتركبه

في ثلاثة في الدنيا : نسوان في وحيا ما فيش 0 شبان في ونخوة مافيش وحكومة في وعدل ما فيش

ثلاثة بطولوا العمر :الدار الوسيعة، والمره المطيعة ، والفرس السريعة

ثلاثة ما بتخبوا :إلحب والحبل والركوب ع الجمل

ثلاثة ما منهم امان :إلبحر والسلطان والزمان

ثلاثة مكروهات : إختيار جاهل وغني بخيل وفقير متكبر

إلثلج بدعسوه الفرسان ، والفلفل بنحط ع مايدة السلطان

إلثلم الاعوج من الثور الكبير

ثنين بوجبوا الموت : إلأرض والعرض

ثوب العيره ما بدفي ، وان دفا ما بدوم

جابوا الذيب يعلموه ، قالوا له ، قول : أ ، ب ، ت ـ قال : عنزة ، جدي ، خروف ، في بطني

جار الكريم مثل مجاور النهر ، ما بخاف من العطش

جارك مثل اخاك ، ان ما شاف وجهك بشوف قفاك

جاي المنشرط للمنبعط يطلب دوا للعافيه

زمانا الله يهده ، إلزلمة بحرد والمره بترده

إن اطعمت إشبع وان ضربت أوجع

أضرب ابنك وحسن ادبه ما بموت تيجي اجله

بتكون سطل زبالة ، بصرلها عمة وخالة

لاتشتري حماره وامها بالحارة

ولكم الورد

.♥ مراقبة عامة ♥.

يسلموووو جنرال الجنوب
طرح مميز وفي غاية الروعة ..
تحياتي الك
تقبل مروري وما تحرمنا من جديد مواضيعكــ...

+ عضو متألق +

يسلمووووووووووووووووووووووو كتير جنرال
انت دائما متميز ومتلق في اختيارك لمواضيعك
دمت لنا ودام عطاؤك وابداعاتك

+ عضو محترف +

يسلموووووووووو جنرال الجنوب
فعلا بيجننوا الأمثال
يعطيك ربي الف عافية
لك مني أجمل الأمنيات

+ عضو محترف +

يسلموووووو كتير على مروكم الرائع
فلـة شمعة منورين صفحتى

+ عضو محترف +

يسلمووووووو جنرال
بجد بيجننوا
لك تحياتي

+ عضو محترف +

يسلمو كتير حبيبة على مروك الرائع

تقبلى تحياتى

.♥ مشرفة ♥.

زي مرمح الكلاب ، عجة وغبره من غير ثمره

زي النوريه اللي مضيعه لبانها

طرح مميز وموضوع رائع

يسلموا جنرال تقبل مروري

+ عضو محترف +

يسلموووووووووو جنرال الجنوب
فعلا بيجننوا الأمثال
يعطيك ربي الف عافية

+ عضو محترف +

يسلموووووو كتير على مروكم الرائع
فلـة شمعة منورين صفحتى

.♥ مراقبة عامة ♥.

طرح رائع
مشكور اخى جنرال

+ عضو محترف +

يسلمو كتير على مروك اسيرة

+ عضو دائم التألق +

يسلمو جنرال على الامثال بصراحة في أمثال ما سمعت فيها شكرا على الموضوع

**.♥ مراقبة إدارية♥.**

امثال راائعه وحلوة بتذكرنا بحكي اجدادنا
تسلم اخي جنرال علي هطرح جميل

+ عضو محترف +

يسلموووووو كتير على مروكم الرائع
فلـة شمعة منورين صفحتى

+ عضو دائم التألق +

يسلمو جنرال حلوين كتير

+ عضو محترف +

يسلمو كتير على مروك الرائع

فلــة شمعة منورة صفحتى

» أمثال شعبية كمبيوترية ,,,
» أمثال عربية مترجمة للإنجليزى
» أمثال وحكم بالانجليرية بس رائعة كثير
» موضوع مهم لكل عضوووبالمنتدى أمثال محرمة .. الكثير يستخدمها !!!!!!!
» ميك اب روعه