قد اكتفيت من الكذب والخداع وسئمت الأقنعة الزائفة سأحتفظ بما تبقى ....شكرا

+ عضو محترف +

ليش يا زمن ؟ كل هادا غدر وخيانة ؟ آه يا زمن ! ما كنتش عارفة ! هي هيك الدنيا ولسه ياما نشوف , ياما نشوف , الكل بيغدر وبيخون , آه يا زمن , حتى أقرب الناس لقلبي , أنا الحق عليا حطيت الثقة في قلوب بشر ما بيستحقوا , أنا الظاهر فهمتهم غلط , هما هيك ولا صاروا هيك , والله مش عارفة بطّل في أمانة , ما في صدق إحنا صرنا بعصر الخيانة , الأخت بتغدر بأختها والصاحبة بتقتل بصحبيتها , آخ يا زمن ليش الغدر والخيانة , ليش يا زمن ؟
طول عمرنا كنا صحاب وحبايب وبنخاف على بعض , ليش هيك صار ما بعرف , فعلا هاي الدنيا ما فيها حاجة اسمها احنا خوات ولا حاجة اسمها صداقة ولا حاجة اسمها أمانة وصدق , خلاص هاي المصطلحات انتهى عصرها , إحنا هلأ بلّشنا بعصر الخيانة , عصر كلو كلاب , ما في حاجة اسمها بني آدم , خلاص انتهوا من زمان , كل واحد هلأ بيعض بالتاني , بس أنا نفسي اعرف ليش , ليش صار هيك , والله الدنيا كانت ماشية فيها كتير اشياء مقرفة بس بنفس الوقت فيها ناس حلوة , بس الظاهر هاي الناس انقلبت , شو اللي قلبها , مش عارفة , آخ يا ربي لمين أحكي ولمين اشكي , مودع أسراري راح , ضاع , خلاص , بس الحق عليا , كان لازم أتمهّل شوية قبل ما أعمل أي شئ ,
المشكلة انهم بيعرفوا لو طلعوا من قلبي وكرهتهم , مستحيل أرجع احترمهم مرة تانية , هو هيك قلبي قاسي بس مش قادرة أقسى عليهم بس لازم اقسى , الناس الخاينة هيك مصيرها , يا ربي يا ريتني متت قبل ما يجي عليا يوم أشوف أعز الناس عليا بيخونوني , آآآآآآآآآآآآآه يا زمن , آآآآآآآآآآآآآه

**.♥ مراقبة إدارية♥.**

شو في حبيبة؟؟؟؟؟؟؟؟؟
مالك شو صاير معك
خوفتني بطريقتك هاي
طمنينا ان شاء الله خير حبيبتي

+ عضو محترف +

اوه يا حبيبة شو مالك
والله بعين ولازم نواجه كل شى ما لازم نستسلم بسهولة
لكن لازم تبلشى حياتك من جديد
مالازم تنكسرى وتنقادى للزمن الوحوش عيشى حياتك
والايام امامك والا ماتلائى شخص يسندك ويبقى الك مأ من لأسرارك ورفيق دربك
فى بس بنسبة ضئيلة اكيد متل ما انتى انجرحتى فى ناس كمان انجرحت وقالت نفس كلامك يلى كتباه
وانا حاسة فيكى يا حبيبتى والله نفسر شوفك وأخفف عنك وأوقف جنبك ونمشى سويا فى طريق الأمان
ولاتستسلمى لزمن الذئاب وما فى حد بيستالهل تخسرى صحتك وعمرك كرماله
وتقبلى مرورى يا زهرتنا الجميلة

.♥ مراقبة عامة ♥.

حبيبة اتمنى لكـــــــ من قلبي حياة سعيدة لا تياسي فالايام الجميلة لا زالت تنتظرنا ولكن بعد صبر وثقة باللله عزوجلالذ لن يضيرك ابدا

غاليتي الحياة صعبة وهي مدرسة وامتحاناتها صعبة للغاية عليكـــــــ بمواجهتها والنجاح فيها واذا فشلتي فما خسرتي ابدا بل تعلمت دروسا ذهبية

خالص المنى مني اليك

اختكـــــــ فطوم

.♥ مراقبة عامة ♥.

حبيبتى شو فى مالك قلقتينا عليكى يا عسول
ما لازم تستسلمى بسرعه
ديرى بالك على نفسك
بتمنى لك حياة سعيده

+ عضو محترف +

ندوش , ملكة , بطوط , أسيرة
حبيبات قلبي , الله يخليلي اياكم يااااااااارب وما يحرمني منكم
أنا عارفة هي الدنيا وما لقيت غيركم أحلى أعضاء أشكي عندكم واحكيلكم
لما الناس كلها تتخلى والله الدنيا بتكون مرة
أنا عارفة يلا ان شاء الله خير
بس الحمد لله انا عندي ارادة قوية وراح اقوم ان شاء الله وأقوى من قبل
بشكركم كلكم على روحكم الطيبة

.♥ مراقبة عامة ♥.

اذا كل الناس اتخلت عنك فاتاكدي انو الك خوات يدعولك في ظهر الغيب

حبيبتي احنا معك دايما وربي يكون معك قبل الكل

+ عضو محترف +

حبيبتي بطة شكرا كتييييييييييييير إلك والله يخليلي اياكي يااااااااارب
والله كتييييييييير مبسوطة بمعرفتك حبيبتي

+ عضو محترف +

ما تخافى حبيتى حبيبة احنا هون موجودين معك
ولنساندك ما عاش يلى بدو يزعلك وأنا موجودة
وبفديكى بروحى وماتنسى أن لك أختا ورفيئة لك فى المنتدى
ولك منى أحلى السلامات

+ عضو محترف +

حبيبتي ملووووووك والله خجلتيني بكلامك الحلو يا عمري
بعرف انو انا لي ناس هون في المنتدى وما راح تنساني
مشكورة حبيبتي على مرورك
نورتي الصفحة
تحياتي لعيونك