لو وضعت فى هذا الموقف ماذا تفعل

+ عضو متألق +

لو انتا حبيت انسانه ورحت اتقدمت الها وابها رفضك شو بتعمل هل بتنسى او بدوس على كرامتك وبترجع تطلبها تانى
يلا سمعونا ردكم

+ عضو محترف +

والله حسب الرفض وطبيعتوووو
يعني ازا حكالي لا معلشي البنت بدها تكمل تعليمها
ممكن ارجع الووو واصر عليه واشي زي هيك

اما ازا حكالي بدناش اياك وانتا ما بتلزم ومن هالحكي وئتها ملعون ابو الحب لانو كرامتي اغلي واهم

مشكوووووور المنسي

+ عضو محترف +

بصراحة ما بقدر افيدك لاني بنت ههههههههه
شد حيلك وما تتخلي عن حبك يا منسي

+ عضو ذهبي +

انا من رايى اذا كنت بتحبها هتحاول مرة تانية

+ عضو محترف +

انا بنت بس هلأ عادي صارت الموضه البنت هيا اللي تخطب الولد هههههههههههههه

صح كلامك محموووووود لو انا رحت اخطب واحد راح اعمل متل ما ال محمود هههههههههههههههههه

يسلمووووووو منسي

+ عضو محترف +

انا بنت وما بئدر فيدك
ولكن البنت اذا بتحبك اكيد راح تكون ضحية لعقلية اهلها
ميشان هيك لا تتخلا عنها
لانو متل ما راح تتعذب هية كمان راح تتعذب كتيييييييييييييييير
واذ بتحبها اكيد ما بتهون عليك
خليك مرة مرتين عشرة اطلبها
واذا الك فيها نصيب اكيد راح يغلب على عقلية اهلها
وتكون الك وافرح فيك واشوفك عريييس هههه
يلا طولت عليك
باااااااااااااي

زائر

اي اخي المنسي انا رايي من راي اختي عاشقة لا تياس وكل شي قسمة ونصيب

+ عضو متألق +

انتو عارفين من الاول
انو الحب ما في كرامة وكلو بهدلة (وبعدين اذا انتو بتحبو بدكو تستحملو وبكفي عنااااااااد )لازم تروح مرة وتنين وتلاتة
هاد الحب
معلش اذا كنت فظة
استحملوني
بااااااااي
وبعدين يا محمود شو ذنبها البنت ضل هيك وهي قلبها معاك
لازم ترجع مرة وتنين حتى لو اسمعت كلااااااام من ابوها (قال بتحبو
الله ينولك اللي ببالك منسى

+ عضو ذهبي +

لا تعليق لانو السؤال للشباب

+ عضو محترف +

أنا ماحعلق على ردودكم,,,, بس بقول لو الواحد ماقدر يواجه أى مشكلة أو ماقدر يتحدى العالم عشان يبنى مستقبله"ما حكيت عن الحب" بناء صحيح وسليم ,,,,, ولو ماقدر يهين نفسه شوى "مو كرامته الكرامه مابتنهان بهيك أمور بالعكس" بعتقد الى بيدافع عن مصلحته وبتمنى يحقق مستقبله بيكون أكيد اله كرامه أفضل ,,,, وأنا لساتنى ماحكيت عن الحب!,, أنا قصدى عن المستقبل لأنه يا حببيى, لو حبيت وماتزوجت الى كنت بتتمناها ماراح تكون راضى عن حياتك وماراح يكون مستقبلك زى مكنت مخططله يعنى زى قصة التوجيهى,,,, فأنا لو بدالك بروح مرة ومرتين وألف الين مربنا يفرجها على وأكيد لو نلت مرادك خير ولوما حققت الى نفسك فيه برضوا خير وزى محكوا شو ذنب البنت ؟؟؟؟ ليكون هى اختارت أبوها ولأحددت مين يكون أخوها أو أهلها؟؟؟؟ وبعتقد لو الشب ما حاول مليون مرة ولو بالنهاية عالقليل يحسس البنت او عمل المستحيل عشانها وعشان مستقبلها ,,,,بيكون فااااااااااااااااااااااااااااااااااااااااااااااااااااشل وستين فاااااااااااشل وما بعرف شو هو الحب الحقيقى وولا عمره حب من أصله بس بيكون الشيطان لاعب بعقلاته شوى....
وأحسله يروح يدور على حماره يتلسى ويحكى ليزهق معها ويسيبه من بنات الناس أحسله ولو سابهم بحالهم أكيد بيكون حفظ كرامته,,,,,,مو لما يتركها بوقت الشدة...بيكون بكرامته؟!!!!!

أنا بعرف انو في كتيررر اباء ظالمين وعنيدين وجبارين بس صدقونى الا ما يجى اليوم إلى يحس فيه بالذنب والظلم ويبطل ويترك العادات والشغلات الهبلة إلى راكبه دماغه ويمكن انت تأخي بهاليوم هادا ويوافق ويرضى فيك....
صدقنى ما في شي بأخي بالساهل لازم تحاول وكون أعند من أبوها وأكيد ربنا رايدلك خير,,

الخلاصة انو لازم اظلك تحاول بدل المرة ألف وأكيد ربنا حيتجيبلك ويحققلك أحلامك ويرزقك بالمستقبل إلى مخططله...ولازم ندعى ربنا يرضى عنا ويهدينا وأكيد بعد هيك حيوفقنا ويحققلنا إلى بنتمناه بس بدها صبر الشغلة وظلك قابض على ايدك وماتتخلى عن حقك ومستقبلك وخلى شعارك " يا أنا يا أبوها الدقر"هههههههههه

تحياتى للجميع..........ماعدا اليائسيين فلا مكان لهم بيننا,,,,,,

+ عضو محترف +

يا شباب بالله عليكم الى بيعرف المنسى يدور عليه سارله فترة ماببين ؟؟!!!!!
خايف يكون قرأ تعليقى بهالموضوع وركب راسه وراح يطب بخناق عمه المستقبلى"أبو زوجته" الى بيحبها!!!!ههههههههههه
ولا ليكون زبطت معه وتزوجها وماعزمنا العكروووووت...ههههههه

+ عضو متألق +

هههههههههههههههههه هيتها هيك يا حنين زبطت معاه الشغلة

بس والله عجبنى رايك كفيت ووفيت وما ضل شى نحكيه والله انت الى طلعت عكروت
بمزح من غير زعل اوك
دمت بود

+ عضو محترف +

لالالالالالا مافى زعل بين الأخوة بعدين أنا بدى الكل يضحك وينبسط,,بعدين كل الى بيحبوا عكريت ما فى كلام!!!,,هههههه
بس خايف بجد يكون سارله شى والله الحين بيدعى على وعاليوم الى حب فيه!!!هههههههههه
تسلمى مرااااام ...

+ عضو دائم التألق +

ههههههههه شو ضل تعليق ياحنين ما ضل اشي

لازم نحطك الناطق الرسمي باسمنها والله عليك حركات
بس حلوة منك كلامك رائع وانشالله يارب بيوفق الجميع

+ عضو متألق +

والله يا اخوان انا هون بس الدنيا مشاعل والله يا حنين القلب فى بوادر لحل الازمه راح ازن عليه مرة وتنين ومليون حتى يوافقك

بس انتو ادعو وراح تكونو اول المدعوين
سلامى للجميع

+ عضو محترف +

تعجبنى ياااا حلوووووو وأكيد لو الك نصيب رااااح توخذوا غصبن عن كل الدنيا مو أبوها وبس..
ويااااااااااارب تتوفق وتكون سعيد بحياتك..
وتكون السنة الجديدة خير الك

ولكل الأعضاء ياااارب...

+ عضو محترف +

انا بشوف انو بدون زعل منسى بس يمكن فيك شغلات ابوها لحبيبتك مو عجباه
غير من حالك اول ويمكن ربنا يفرجها بس برضوا البنت لها دور هى تحاول مع
ابوها ما فى اب بيقف فى طريق سعادة بنتو او عالاقل تحاول تعرف ليش
رفضك اعمل زى صاحب اخوية هو كان فتحاوى واهل حبيبتو حمساوية
راح غير انتمائه علشان يوافقوا اهلها وامتنع عن الاكل فترة وكان ما يكلم
حد من اهله يعنى قصة طويلة عريضة بس ما فقد الامل حتى انا استغربت
منو المهم الصراحة مش عارفة بالضبط شو اعطيك نصيحة بس ربنا يوفقك
انت وياها كلو قسمة ونصيب

» لو أمك في هذا الموقف ماذا تفعل!
» ماذا ستفعل فى هذا الموقف
» ماذا سيكون رد فعلك في مثل هذا الموقف ؟؟؟
» لو قدر لك ماذا تفعل
» ماذا تفعل لو كنت مكاني؟؟؟؟؟